Azərbaycan, Bakı / Trend müxbir S.Əliyev/ İlin ilk yarısında Azərbaycanın yeraltı qaz anbarlarına 380 mln. kubmetr qaz doldurulub. Bu barədə "Azəriqaz" qapalı səhmdar cəmiyyətinin sədr müavini Nazim Səmədzadə məlumat verib. Ötən müddətdən anbarlarda 350 mln. kubmetr qaz qalıb.
Bu ilin sonuna kimi "Azəriqaz"ın yeraltı qaz anbarlarına 1 mlrd. kubmetrədək qaz doldurulacaq.
Müvafiq həcm 2007-2008-ci illərin payız-qış aylarında abunəçilərin təminatı üçün istifadə ediləcək. Ötən müddətdə (2006-2007-ci illər) qaz anbarlarına 1,024 mlrd. kubmetr qaz doldurulmuşdur.
"Rusiya qazının idxalından imtina edilməsinə baxmayaraq ölkədə qaz təchizatı sahəsində hər hansı problem olmayacaq" - deyə "Azəriqaz"dan bildiriblər.