Azərbaycan, Bakı, / Trend müxbir S.Babayeva/ Bazar ertəsi Dövlət İqtisad Universitetində keçirilən "İqtiasadiyyatda "Soft Computing" texnologiyası" birinci beynəlxalq konfransının açılışında həmin universitetin rektoru Şəmsəddin Hacıyev bildirib ki, Azərbaycanda intellektual texnologiyanın inkişafına ehtiyac var.
Hacıyevin sözlərinə görə, son dörd il ərzində Azərbaycanda yüksək iqtisadi artım qeydə alınıb, ÜDM-in və dövlət büdcəsinin həcmi demək olar ki, səkkiz dəfə artıb. Rektor İT texnologiyası hesabına iqtisadiyyatın inkişafı və bu istiqamətdə kadrların hazırlanması baxımından konfransın mühüm əhəmiyyət kəsb etdiyini bildirib və bu prosesin gələcəkdə də davam edəcəyinə ümid etdiyini vurğulayıb.
Noyabrın 19-20-də keçirilən konfransda Türkiyə, Azərbaycan və ABŞ alimləri tanınmış azərbaycanlı alim Lütfi Zadənin qeyri-səlis məntiq nəzəriyyəsinə əsaslanmış "Soft Computing" texnologiyası ilə bağlı təqdimat keçirəcəklər. Tanınmış azərbaycanlı alim Lütfi Zadənin konfrans iştirakçılarına video-müraciəti də ünvanlanıb.
Professor Lütfi Zadə ABŞ-da Soft Computing institutunun direktorudur. Alimin nəzəriyyəsi riyaziyyatın əsasını təşkil edən ikili çoxluq nəzəriyyəsini başa düşməyə imkan verib.
