Azərbaycan, Bakı, 26 may/ Trend , müxbir S.Babayeva/ Rotterdam məhkəməsi iyunn 18-də Maltanın FİMbank-ı və Azərbaycan hökuməti arasında maliyyə məhkəmə çəkişməsi üzrə öz qərarını elan edə bilər. Azərbaycanın maraqlarının müdafiəsi Rabitə və İnformasiya Nazirliyinə həvalə edilib.
Bazar ertəsi nazirlikdən verilən məlumata görə, məhkəmə əvvəllər qərarın noyabrın 20-də mümkün qəbulu haqqında elan verib. Lakin sonra Rabitə Nazirliyinə məhkəmənin işə baxması üçün əlavə vaxta ehtiyac olmasına dair rəsmi məktub daxil olub.
"Öz tərəfimizdən biz məhkəməyə Fransa məhkəməsinin bizim xeyrimizə olan qərarı da daxil olmaqla, bütün zəruri sənədləri təqdim etmişik", - dövlət idarəsindən bildiriblər.
Rabitə Nazirliyində işin gözlənilməz sonluqla nəticələnə biləcəyinə istisna edərək, məhkəmə üzrə mümkün ssenariləri proqnozlaşdırmaqdan imtina ediblər.
Maltanın FİMbank-ı (First International Merchant Bank Ltd.) ümumi həcmi $4.5 mln-dan çox olan kreditin ödənilməsi tələbi ilə Azərbaycan hökumətinə qarşı iddia ilə çıxış edib. Bank iddia edir ki, bu vəsait dövlət zəmanəti altında Azərbaycanın iki telekommunikasiya şirkətinə verilib. FİMbank-ın birinci iddiası 2004-cü ilin iyulunda Rotterdam və Paris məhkəmələrinə verilib.
