Azərbaycan, Bakı, 10 avqust / Trend , müxbir H.Vəliyev /
"İçəri Şəhər" Dövlət Tarixi-Memarlıq Qoruğu İçəri Şəhər ərazisində nəqliyyatın giriş-çıxışının qeydiyyatı üçün kart sistemi tətbiq edəcək, qoruğun mətbuat xidməti məlumat verir.
Sistem İçəri Şəhər ərazisinə avtomobillərin məhdudiyyətli girişi üçün tətbiq edilir. Sentyabrın 1-dən İçəri Şəhərə giriş ödənişli olacaq. Giriş kart təqdim etmə ilə təmin olunacaq. Kart sahiblərinin identifikasiyası üçün kart sahibi və avtomobil barədə identifikasiyalı məlumatlar karta daxil ediləcək.
Girişin məhdudlaşdırılması üçün nəzarətçinin idarəetməsi altında işləyən, kartla keçid zamanı açılan avtomatik şlaqbaumlar istifadə olunur.
İçəri Şəhər sakinləri və bu ərazidə fəaliyyət göstərən şirkətlərin əməkdaşları bir ay müddətində etibarlı olan daimi kart ala bilərlər. Kartın dəyəri hələ müəyyənləşdirilməyib. Sürücülərə birdəfəlik istifadə üçün kartlar da təklif olunacaq.
Sakinlərər və ya şirkətlərin əməkdaşlarına aid olmayan avtonəqliyyatların girişi ödənişli əsasla həyata keçiriləcək.
Məqalə müəllifi ilə əlaqə ünvanı: [email protected]
