...

Azərbaycanda Radiotezliklər üzrə Dövlət İdarəsi 424 efir pozuntusu faktı aşkar edib

Telekommunikasiya Materials 9 Sentyabr 2009 12:03 (UTC +04:00)

Azərbaycan, Bakı, 09 sentyabr / Trend , müxbir Q.Vəliyev /

Azərbaycan Rabitə və İnformasiya Texnologiyaları Nazirliyinin Radiotezliklər üzrə Dövlət İdarəsinin Efir nəzarəti şöbəsi tərəfindən yeddi ayın yekunlarına əsasən, 424 efir pozuntusu halı aşkar edilib, RTDİ-dən bildirilib.

RTDİ-nin məlumatına əsasən, hesabat dövrü ərzində 579 radio rabitə şəbəkəsinə və 1126 radiotezlik resursuna baxış keçirilib. Efir qanun pozuntularının aradan qaldırılması məqsədilə Efir nəzarəti şöbəsi tərəfindən müvafiq müəssisələrə xəbərdarlıq məktubu göndərilib.

RTDİ tərəfindən qeydiyyatdan keçməyən 43 tezlik resursu, 29 VSAT peyk terminalı aşkar edilib.

Mobil rabitə sektoru üzrə doqquz baza stansiyası və Azərcell Telecom MMC-nin 14 radiorele xətti, 16 baza stansiya və Baksel şirkətinin 14 radiorele xətti, həmçinin Azərfon şirkətinin 19 baza stansiyası və 28 radiorele xətti qeydiyyatdan keçib.

RTDİ tərəfindən 109 akt və 34 protokol tərtib edilib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti