Azərbaycan, Bakı, 23 yanvar/ Trend , müxbir H.Vəliyev/
2009-cu ildə Azərbaycanda ümumi nömrə tutumu 57202 nömrə olan (RİTN-nə görə 53891) yeni ATS-lər istismara verilib, Rabitə və İnformasiya Texnologiyaları nazirliyinin (RİTN) 2009-cu ilin yekunlarına dair hesabatında deyilir.
Nazirliyin məlumatına əsasən hazırda ATS şəbəkəsinin bütün respublika üzrə nömrə tutumu 1 562 113 ədəd təşkil edir (RİTN-nə görə 1 403 499 nömrə).
Telefon rabitəsi şəbəkəsinin modernləşməsinə RİTN-nin müəssisə və strukturları tərəfindən 47,1 milyon manatdan artıq investisiya qoyulub. Bu da 2008-ci ildə qoyulan investisiya həcmindən 6,3 milyon manat çoxdur.
Regional telekommunikasiya xətlərinin yenidən qurulmasına 22,4 milyon manatdan çox vəsait yönəldilib. Bu da ümumi nömrə tutumu 86358 nömrə olan yeni elektron ATS-in quraşdırılması üzrə işləri həyata keçirməyə, fiberoptik kabel magistralı və uzunluğu 288,5 kilometr olan birləşdirici xətlər salmağa 12741 abonent xətti istismara verməyə imkan verir.
Bu dövr ərzində Abşeron yarımadasının telekommunikasiya xətləri NGN şəbəkəsi bazası əsasında tamamilə modernləşdirilib, şəbəkənin tutumu isə 14508 nömrə artırılıb. Hazırda Abşeron yarımdasdının telekommunikasiya xətlərinin nömrə tutumu 46412 nömrə təşkil edir.
RİTN-nin məlumatına əsasən 28 rayonun telefon şəbəkəsi tamamilə elektonlaşdırılıb.
Ucar, Zərdab, Qəbələ, İsmayıllı, Fizuli rayonlarının mərkəzi ATS-i TAE fiberoptik kabel magistralının Azərbaycan seqmentinə qoşulub. Hazırda TAE seqmentinı qoşulan telekommunikasiya xətlərinin ümumi sayı 52 vahid təşkil edir.
Məqalə müəllifi ilə əlaqə ünvanı: [email protected]