...

Azərbaycanda intellektual mülkiyyət sahəsində qanunvericilik təkmilləşdiriləcək

Telekommunikasiya Materials 10 Dekabr 2010 14:37 (UTC +04:00)

Azərbaycan, Bakı, 10 dekabr /Trend, müxbir H.Vəliyev/

"İnnovasiyalar və intellektual mülkiyyət" İctimai Təşkilatı intellektual mülkiyyət və müəllif hüquqlarının qorunması sahəsində qanunvericiliyin və qaydaların təkmilləşdirilməsinə kömək edəcək. Bu barədə Trend-ə cümə günü ictimai təşkilatın sədri, Azərbaycan Milli Elmlər Akademiyası Rəyasət Heyətinin Elmi-təşkilat şöbəsinin rəhbəri Əminağa Sadıqov deyib.

Sadıqovun sözlərinə görə, bu gün Azərbaycanda bu sahədə bir sıra qanunların qüvvədə olmasına baxmayaraq, təəssüf ki, əsasən intellektual mülkiyyət sahiblərinin hüquqlarının qorunmaması ilə bağlı bir sıra boşluqlar var.

"Biz bu sahədə konkret təkliflərlə çıxış edərək, qanunvericilik layihələrinin və normativ sənədlərin hazırlanmasında iştirak etmək niyyətindəyik. Məsələn, tərəfimizdən "İnnovasiya fəaliyyəti haqqında" qanun layihəsinin hazırlanması nəzərdə tutulub. Fəaliyyətimizinin əsas istiqamətlərindən biri Azərbaycanın ali məktəblərində intellektual mülkiyyət və innovasiya sahəsi üzrə hüquqşünas, iqtisadçı və menecerlərin hazırlanması olacaq. Bu sahədə biz Müəllif Hüquqları Agentliyi və Azərbaycan Standartlaşdırma, Metrologiya və Patent üzrə Dövlət Komitəsi ilə əməkdaşlıq etməyi planlaşdırırıq", - Sadıqov qeyd edib.

İctimai təşkilatın sədrinin sözlərinə görə, bu gün Azərbaycanın Ümumdünya Ticarət Təşkilatına qəbul edilməsi məsələsi müzakirə edilir və bu təşkilatın tələblərindən biri intellektual mülkiyyət və müəllif hüquqlarının qorunması aspektlərinin dünyada ümumi qəbul edilən normalara uyğunlaşdırılmasıdır.

Sadıqovun sözlərinə görə, burada proqram təminatı məhsulları üzrə müəllif hüquqlarının qorunması ilə bağlı məsələyə də toxunulur, bunula əlaqədar ictimai təşkilat proqram təminatı bazarında pirtaçılqıla mübarizəyə də kömək edəcək. Lakin Sadıqovun hesab etdiyi kimi, bu gün elmi nailiyyət sahiblərinin hüquqlarının qorunması məsələsi daha aktualdır, belə ki onlar lisenziyalaşdırma sisteminin tətbiq edildiyi vendorların hazır məhsullarının qorunmasından daha az müdafiə olunub.

Xəbər lenti

Xəbər lenti