Azərbaycan, Bərdə, 15 dekabr /Trend, müxbir H.Vəliyev/
Azərbaycanın "IT Computing" şirkəti ölkənin orta təhsil müəssisələrində virtual masaüstü "NComputing" sistemlərinin tətbiqi imkanını nəzərdən keçirir. Bu barədə Trend-ə çərşənbə günü "IT Computing" şirkətinin baş direktoru Mirağa Nağıyev deyib.
Nağıyevin sözlərinə görə, bu layihənin həyata keçirilməsi üçün şirkət Heydər Əliyev Fonduna müraciət etməyi düşünür.
"IT Computing" şirkəti rəhbərinin sözlərinə görə, "NComputing" terminal qərarları kompüterləşdirməyə olan xərcləri xeyli azaltmağa, məlumatların maksimal təhlükəsizliyini təmin etməyə, şəbəkədən sanksiyalaşdırılmamış istifadəni məhdudlaşdırmağa, eləcə də kompüterləşdirmənin ənənəvi üsulu ilə müqayisədə elektrik sərfiyyatını on dəfələrlə azaltmağa imkan verir.
"Hazırda bu qurğular artıq tətbiqi bütün filiallarda planlaşdırıldığı "AccessBank"ın baş ofisində istifadə edilir", - Nağıyev qeyd edib.
"NComputing"in virtuallaşdırılmış proqram təminatı monitor, klaviatura və siçanı olan "virtual" kompüterlərlə istifadə terminalı vasitəsilə əlaqəyə girən serverdə işləyir. Bu zaman bütün hesablamalar mərkəzi serverdə yerinə yetirilir. Terminalları viruslarla "yoluxdurmaq" olmaz, bu isə antivirus proqram təminatına xərcləri azaltmağa imkan verir.
"NComputing" qərarlarından istifadə tez və minimal xərclərlə şəbəkədə informasiya təhlükəsizliyinin səviyyəsini də artacaq. İstifadəçi yalnız inzibatçının müəyyən etdiyi əlavələrdən istifadə edə bilər.
Bütün bu tədbirlər informasiya sızması və itirilməsi ilə bağlı riskləri minimallaşdırmağa, eləcə də bütün infrastrukturu viruslardan və ziyanlı proqram təminatından etibarlı qorumağa kömək edir.
