Azərbaycan, Bakı, 1 aprel /Trend, müxbir H.Vəliyev/
Bakıda MDB ölkələrində rouminq tariflərinin tənzimlənməsi imkanları üzrə təkliflər müzakirə olunacaq. Bu barədə cümə günü Regional Rabitə Əməkdaşlığı (RRƏ) təşkilatının məlumatında deyilir.
Məsələ mayın 24-25-də keçiriləcək RƏƏ-nin Rabitə iqtisadiyyatı komissiyasının 27-ci iclası çərçivəsində müzakirə olunacaq.
İclasın gündəliyinə rabitə sahəsində tariflərin müəyyən edilməsi metodologiyasının təkmilləşdirilməsi, İKT sahəsində iqtisadi əlaqələr, poçt rabitəsi müəssisələri üzrə maliyyə xidmətlərinin təkmilləşdirilməsi və inkişafı və s. müzakirə olunacaq.
Sadalanan mövzuların hamısı Azərbaycan, Rusiya, Moldova, Belarus, Özbəkistan, Qazaxıstan, Qırğızıstanın rabitə administrasiyaları və RRƏ İcariyyə Komitəsi nümayəndələrinin məruzələrində dinləniləcək.
İclasın poçt rabitəsi sahəsi üzrə iştirakçıları MDB üzvü olan ölkələrin kitabxanalararası abonement çərçivəsində poçt yollamaları üzrə güzəştli tariflərin verilməsi üzrə xərclərə kompensasiyaların mexanizmini, universal xidmət mexanizminin əsas istiqamətlərinin müəyyən edilməsi məsələlərini, RRƏ iştirakçısı olan ölkələrin rabitə və informasiya texnologiyaları sahəsində inkişaf strategiyalarını, dünya iqtisadi böhranının rabitə sahəsinə təsiri, sahənin bərpası və gələcək inkişaf yollarını müzakirə etməyi planlaşdırırlar.