PremiumAzərbaycanda istifadə olunan radioelektron vasitələr 10 il ərzində 143 faiz artıb

Azərbaycan, Bakı, 21 sentyabr /Trend, müxbir H.Vəliyev/

Azərbaycanda son 10 il ərzində istifadə olunan radioelektron vasitələrin (REV) sayı 142,9 faizi ötüb. Trend-in məlumatına görə, bu barədə Azərbaycan Rabitə və İnformasiya Texnologiyaları Nazirliyinin Dövlət Radiotezliklər İdarəsinin (DRİ) çərşənbə günü nazirliyin saytında yerləşdirilmiş statistik hesabatında deyilir.

Məlumata görə, həmin dövrdə DRİ-də qeydiyyatdan keçmiş istifadə olunan REV-in sayı 18 012 ədəd artıb.

Son 5 il ərzində İdarə tərəfindən 550 qeydiyyatsız və qeyri-qanuni istifadə olunan REV aşkar edilib.

2002-ci il yanvarın 1-nə olan istifadə olunan REV-in sayı 11 619 idisə, 2011-ci il yanvarın 1-nə bu göstərici 28 228-ə çatıb.

İdarənin statistik məlumatına görə, sentyabrın 1-nə Azərbaycanda istifadə olunan REV-in sayı 29 631 ədəd təşkil edib.