...

Azərbaycanda "Elektron hökumət" portalının işə salınması təxirə salınır

Telekommunikasiya Materials 24 Fevral 2012 15:21 (UTC +04:00)

Trend-i buradan izləyin

Azərbaycan, Bakı, 24 fevral /Trend, müxbir H.Vəliyev/

"Elektron hökumət" portalının işə salınması başqa vaxta keçirilir. Bu barədə cümə günü Trend-ə Azərbaycan Rabitə və İnformasiya Texnologiyaları Nazirliyindən bildiriblər.

"Portalın əvvəlcə martda işə salınması planlaşdırılırdı. Lakin portalda təqdim edilən elektron xidmətlərin çoxu baza xarakterli olduğundan onun işə salınması təxirə salınır. Çünki bu xidmətlərə əhali arasında tələbatın olması güman edilmir", - mənbə qeyd edib.

Portalın istismara verilməsinin yekun tarixi əhali arasında böyük tələbata malik olacaq xidmətlərin siyahısı formalaşdıqdan sonra elan ediləcək.

Məlumata əsasən, elektron-rəqəmsal imzanın istifadəsinin populyarlaşdırılması da az əhəmiyyətli məsələ deyil. Belə ki, məhz rəqəmsal imza "Elektron hökumət" portalının elektron xidmətlərindən istifadədə əsas alət olacaq. Elektron-rəqəmsal imzanın verilməsi üzrə mərkəzin istismara verilməsindən etibarən (2011-ci il sentyabr) təxminən min elektron imza verilib.

Xəbər lenti

Xəbər lenti