...

Naxçıvan MR-də rabitə xidmətləri altı faizdən çox artıb

Telekommunikasiya Materials 29 Avqust 2013 16:07

Trend-i buradan izləyin

Azərbaycan, Bakı, 29 avqust /Trend, müxbir H.Vəliyev/

Cari ilin yanvar-iyul aylarında Naxçıvan Muxtar Respublikasında (NMR) 26582,3 min manat dəyərində rabitə xidmətləri göstərilib, bu da ötən ilin analoji dövründə qeydə alınan göstəricidən 6,5 faiz (24964,8 min manatdan çox) çoxdur. Bu barədə NMR-in Bakıdakı Daimi Nümayəndəliyindən cümə axşamı Trend-ə daxil olan məlumatda bildirilir.

Məlumata görə, göstərilmiş xidmətlərin 85,5 faizi ( 22 731,8 min manatı) qeyri-dövlət müəssislərinin payına düşür.

Qeyri-dövlət müəssisələri tərəfindən göstərilən rabitə xidmətlərinin həcmi ötən ilin analoji dövründə qeydə alınan göstəricilərlə müqayisədə 6,1 faiz artıb.

Hesabat dövrü ərzində mobil rabitə xidmətlərinin həcmi 6,1 faiz artaraq 22 705,5 min manat təşkil edib.

Cari ilin yanvar-iyul aylarında Muxtar Respublikanın Rabitə və İnformasiya Texnologiyarı Nazirliyinin müəssisləri tərəfindən 3676,7 min manat həcmində xidmət göstərilib ki, bu da 2012-ci ilin analoji dövründə qeydə alınan göstəricidən 8,1 faiz çoxdur.

NMR istifadə olunan telefon şəbəkəsində nömrələrin həcmi göstərilən müddət ərzində 1126 ədəd artıb.

Məqalədə:
Xəbər lenti

Xəbər lenti