Azərbaycan, Bakı, 8 oktyabr /Trend, müxbir H.Vəliyev/
2013-cü ilin sentyabrında Milli Sertifikat Xidmətləri Mərkəzi tərəfindən verilən elektron rəqəmsal imzaların ümumi sayı 2,17 faiz artaraq sentyabrın 1-nə olan vəziyyətə görə, 15 953 ədəd təşkil edib.
Trend-in məlumatına görə, bu barədə çərşənbə axşamı Trend-ə Rabitə və İnformasiya Texnologiyaları Nazirliyinin Məlumat Hesablama Mərkəzindən (MHM) deyiblər.
MHM-nin məlumatına əsasən, Azərbaycanda elektron rəqəmsal imzaların sayı ilin əvvəlindən təqribən 7 dəfə artıb.
Sentyabrda Milli Sertifikasiya Mərkəzi 340 rəqəmsal imza kartı verib.
MHM-in məlumatına görə, verilən elektron rəqəmsal imzaların ümumi sayından dövlət strukturlarının payına 11 986 ədəd düşüb, 494 ədəd hüquqi şəxslərə, 3473 ədəd isə vətəndaşlara verilib.
Təsdiq edilmiş elektron xidmətlərin sayı 417 ədəd təşkil edib, portalda isə 256 elektron xidmətdən istifadə etmək mümkündür. Dövlət strukturlarının saytlarında yerləşdirilən elektron xidmətlərin ümumi sayı 432 ədəd təşkil edir.
2012-ci ilin dekabrından 2013-cü ilin oktyabrın 1-dək 212 281 nəfər ümumən 359 187 dəfə "Elektron hökumət" portalına baxıb və 501 253 elektron xidmətə müraciət edib. Saytın yeni ziyarətçiləri istifadəçilərin ümumi sayının 59,3 faizini təşkil edir.