...

Azərbaycanda bələdiyyə vergilərinin yığılması üzrə əməliyyatlar avtomatlaşdırılacaq

Telekommunikasiya Materials 17 Sentyabr 2014 17:41 (UTC +04:00)

Azərbaycan, Bakı, 17 sentyabr /Trend, müxbir Hüseyn Vəliyev/

Azərbaycanda bələdiyyə vergilərinin yığılması üzrə əməliyyatlar yerli "Cybernet" IT şirkətinin hazırladığı bələdiyyələrin avtomatlaşdırılmış vergi informasiya sisteminin bazasında aparılacaq. Bunu çərşənbə günü Trend-ə şirkətdən deyiblər.

Şirkətdən bildiriblər ki, hazırda bələdiyyə vergiləri və ödənişlərinin elektron uçotunun tətbiqi üzrə pilot layihə ölkənin 8 bələdiyyəsində reallaşdırılır. Onlardan beşi Bakının Binəqədi rayonunda, üçü isə Sumqayıt şəhərində, Abşeron rayonunun Saray qəsəbəsində və Şəmkir rayonunda yerləşir.

Şirkətdən vurğulayıblar ki, pilot layihə cari ilin sonunadək həyata keçiriləcək: "Layihənin növbəti mərhələsi respublikanın bütün bələdiyyələrini əhatə edəcək".

Qeyd edək ki, Azərbaycanda 1600-dən çox bələdiyyə fəaliyyət göstərir. Bələdiyyə vergilərinin yığılmasının avtomatlaşdırılması "bulud" texnologiyaları bazasında həyata keçiriləcək.

Layihə çərçivəsində vergi ödəyicilərinin uçot sisteminin avtomatlaşdırılması və mərkəzləşdirilməsi, şəhadətnamə və eyniləşdirmə nömrələrinin verilməsi, bələdiyyə vergilərinin onlayn ödəniş sisteminin tətbiqi və sənəd dövriyyəsi üzrə daxili sistemin yaradılması nəzərdə tutulur.

Məqalədə:
Xəbər lenti

Xəbər lenti