Bakı. Trend:
Naxçıvan Muxtar Respublikasının Dövlət Vergi Xidməti, İqtisadiyyat Nazirliyi və Maliyyə Nazirliyinin elektron informasiya resursları “AzStateNet” şəbəkəsi ilə təmin olunmuşdur.
Bu barədə Trend-ə Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidmətindən bildirilib.
Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti tərəfindən Naxçıvan Muxtar Respublikasında dövlət orqanlarının internet səhifələrinin “GOV.AZ” zonasında qeydiyyatdan keçirilməsi və təhlükəsizliyinin gücləndirilməsi ilə bağlı müvafiq tədbirlər davam etdirilir.