Rabitə və İnformasiya Texnologiyaları Nazirliyi İT sahəsində investisiyaların qoyulacağı 3 istiqaməti müəyyənləşdirib: IT sektorunun liberallaşdırılması, müştərək və dövlət telekommuniyasiya müəssisələrinin özəlləşdirilməsi və müstəqil tənzimləyici orqanın yaradılması. Trend agentliyinin məlumatına əsasən, bu barədə nazirliyin İqtisadi Təhlil Şöbəsinin direktoru Rəşad Nəbiyev bildirib.
Azərbaycandan fərqli olaraq başqa ölkələrdə investisiyaların yatırılması ilə bağlı məhdudiyyətlər var, çünki bu sahə stratejidir. "Beynəlxalq təşkilatların apardığı təhlillərə əsasən, 2004-cü illə müqayisədə 2005-ci ildə inkişaf etmiş ölkələrdə IT sahəsinə qoyulan investisiyaların həcmi $100 mlrd. azalıb" - deyə o bildirib. Bu ölkələrdə investisiya yatırılmasına 90-cı illərdə başlanıb.
Azərbaycandakı vəziyyət fərqlidir və mövcud infrastrukturun səviyyəsi investiya yatırılmasına ehtiyacın olduğunu göstərir. "Bu gün 100 ailədən 13 -nün televizoru var. İnkişaf etmiş ölkələrdə bu göstərici 95, dünya təcrübəsində isə 60 təşkil edir" - deyə Rəşad Nəbiyev bildirib.
