4 azərbaycanlı tələbə Azərbaycanın Rabitə və İnformasiya Texnologiyaları Nazirliyinin xətti ilə Ukraynaya gedib. Nazirlikdən Trend ə verilən məlumata görə, onlar artıq Odessa Rabitə Akademiyasında "İnformasiya və Telekommunikasiya Texnologiyaları" ixtisası üzrə təhsilə başlayıb. Yerdə qalan 3 nəfərin sənədləri isə hazırda Malayziya və ABŞ-a göndərilib. Onlar Corc Meyson adına universitetdə və Malayziyanın Texnologiya universitetində təhsil alacaq. Bu tələbələr bir sıra təşkilati məsələlərlə əlaqədar təhsilə gələn il başlaya bilər. Rabitə Nazirliyinin xüsusi komissiyası müsabiqə əsasında təhsil almaq istəyənlərin seçimini TQDK tərəfindən cavab aldıqdan sonra aparıb. Nazirlikdən qeyd olunur ki, seçilmiş 9 nəfər müsabiqənin müəyyən tələblərinə cavab verir. Onlar Azərbaycan vətəndaşlarıdır, ingilis (TOEFL sertifikatı) və rus dillərinə (Odessada təhsil almaq üçün) mükəmməl yiyələnir, Azərbaycanda ali məktəblərə qəbul imtahanalarında 550-688 bal toplayıb.
Onlar bakalavar dərəcəsi üzrə 4 illik, istədikləri halda isə magistraturada da təhsil alacaq.
