Azərbaycan Rabitə və İnformasiya Texnologiyaları Nazirliyinin Aztelekom İstehsalat Birliyinin Qax rayonu Telekommunikasiya Qovşağı Qumm kəndində 512 nömrə tutumlu elektron avtomat telefon stansiyasının (EATS) quraşdırılması üçün tender elan edib.
Tenderlə maraqlananlar öz təkliflərini noyabrın 30-na qədər təqdim etməlidirlər.
Bundan əlavə, Şəmkir rayonu TKQ da analoji tender elan edib. Qaracəmirli kəndində 768 nömrə tutumlu, Sarıtəpədə isə 256 nömrə tutumlu EATS-in quraşdırılması nəzərdə tutulub.
Tenderdə iştirak etmək istəyənlər əlavə məlumat almaq üçün TKQ-ya müraciət etməlidirlər.
Bölgələrdə rabitə sisteminin yenidənqurulması və yaxşılaşdırılması işləri Azərbaycan bölgələrinin sosial-iqtisadi inkişafı üzrə dövlət proqramı və "Elektron Azərbaycan" dövlət proqramı çərçivəsində həyata keçirilir.
