2006-cı ildə Azərbaycanda rabitə sahəsində əməkdaşların sayı 8,6% artaraq 21,2 min nəfər olub. Bu barədə Dövlət Statistika Komitəsinə istinadən Trend xəbər verir.
Hər işçinin orta aylıq əmək haqqı 21,3% artaraq 219,5 manata çatıb. Dövlət müəssisələri ilə müqayisədə özəl sektor işçilərinin əmək haqqı 4 dəfə artıq olmaqla 652,3 manat təşkil edib.
Bu dövr ərzində Azərbaycanda fiziki və hüquqi şəxslərə rabitə sahəsində 571,8 mln. manat dəyərində xidmət göstərilib ki, bu göstərici də 2005-ci il göstəricisindən 24% çoxdur. Bunlardan 72,4% xidmət özəl şirkətlərə göstərilib, artım 24,1% təşkil edib.