Beynəlxalq İnternet istifadəçilərinin auditoriyası 10% artıb
Azərbaycan, Bakı/ Trend müxbir S.Babayeva/ comScore Networks tədqiqat şirkətinin apardığı araşdırmalara müvafiq olaraq 2006-cı ildə İnternet istifadəçilərinin sayı 10% artaraq 747 mln. nəfər təşkil edib. Yüksək artım göstəricilərinə malik olan 15 ölkəyə Hindistan başçılıq edir. Ötən il ərzində bu ölkədə İnternet istifadəçilərinin sayı 33% artıb. Növbəti yerlərdə isə 21 faizlə Rusiya və 20 faizlə Çin dayanıb.
"Dünyada Internet auditoriyasının həcmi artmaqda davam edir. Bütün dünya üzrə qlobal şəbəkə istifadəçilərinin 80 faizi ABŞ-ın payına düşür və bu rəqəm daha da artacaq",-deyə comScore şirkətinin Avropa üzrə icraçı direktoru Bob İvins bildirib.
Şirkətin tədqiqatlarına müvafiq olaraq ən çox istifadəçi sayı - 153,4 mln. nəfər ABŞ-da, 86,8 mln. nəfər Çində, 54 mln. nəfər isə Yaponiyadadır.
0
| Top 15 - Ən çox internet istifadəçilərinə malik olan ölkələr | |||
| Yanvar 2006 | Yanvar2007 | Artım | |
| Dünyada | 676,878 | 746,934 | 10% |
| ABŞ | 150,897 | 153,447 | 2% |
| Çin | 72,408 | 86,757 | 20% |
| Yaponiaya | 51,450 | 53,670 | 4% |
| Almaniya | 31,209 | 32,192 | 3% |
| Böyük Britaniya | 29,773 | 30,072 | 1% |
| Cənubi Koreya | 24,297 | 26,350 | 8% |
| Fransa | 23,712 | 24,560 | 4% |
| Hindistan | 15,867 | 21,107 | 33% |
| Kanada | 18,332 | 20,392 | 11% |
| İtaliya | 15,987 | 18,106 | 13% |
| Braziliyal | 12,845 | 14,964 | 16% |
| İspaniya | 12,206 | 12,710 | 4% |
| Rusiya | 10,471 | 12,707 | 21% |
| Niderland | 10,772 | 11,077 | 3% |
| Meksika | 8,624 | 10,149 | 18% |
Baxmayaraq ki, Azərbaycan comScore Networks şirkətinin reytinq siyahısında yer tuta bilməyib, Internet World Stats - ın məlumatına görə, Azərbaycan 2007-ci ilə 700 min internet istifadəçisi ilə başlayıb.
