...

"CİSCO" və "Ericsson" Azərbaycanın İT beynəlxalq universitetinin təsisçiləri rolunda çıxış edəcəklər

Telekommunikasiya Materials 27 Aprel 2007 14:01 (UTC +04:00)

Azərbaycan, Bakı / Trend / Dünyanın iri IT şirkətləri "CİSCO" və "Ericsson" Xəzər beynəlxalq İT texnologiyaları universitetinin təsisçiləri rolunda çıxış edəcəklər. Bu universitet Azərbaycanda Regional İnnovasiya Zonasının yaradılması layihəsi çərçivəsində yaradılacaq. Bu barədə rabitə və informasiya texnologiya naziri Əli Abbasov "TV plyus" jurnalına müsahibəsində məlumat verib.

Onun sözlərinə görə, mütəxəssislərin yarısı Azərbaycan üçün, yarısı isə onların özləri üçün hazırlanacaq.

Nazirlikdən qeyd edirlər ki, yeni universitet İT sahəsindəki peşəkar mütəxəssisləri təkcə Azərbaycan üçün yox, həmçinin Gürcüstan və Orta Asiya nəzərə alınmaqla bütövlükdə region üçün hazırlayacaq.

Regional İnnovasiya Zonasının yaradılması layihəsi kiçik və orta innovasiya sahibkarlığın yaradılmasını nəzərdə tutur. Eyni zamanda layihə elektron avadanlıq və proqram təminatının istehsalı ilə ixracını, ölkənin tranzit informasiya mərkəzinə çevrilməsini (Data Centre) planlaşdırır.

Xəbər lenti

Xəbər lenti