Azərbaycan, Bakı/ müx. Trend S.Babayeva/ Cümə axşamı layihənin ofisindən verilən məlumata görə, tərkibinə "Elektron idarəetmə milli şəbəkəsi təşəbbüsü" layihəsinin (National E-Governance Network Initiative) direktoru Nəriman Hacıyev və inkişaf məsələləri ilə bağlı layihənin məsləhətçisi Fərid Kərimovun daxil olduğu Azərbaycan nümayəndə heyəti İnformasiya Cəmiyyətinin İnkişafı üzrə Beynəlxalq Assosiasiya olan "e-Society"-nin (IADIS - International Association for Development of the Information Society) konfransında iştirak edir.
Lissabonda təşkil olunan beynəlxalq konfrans iyulun 7-də başa çatacaq.
Tədbirdə Azərbaycandan olan nümayəndələr Azərbaycanda 2005-2008-ci illər üçün nəzərdə tutulmuş rabitə və informasiya texnologiyalarının inkişafı üzrə dövlət proqramı və ölkədə elektron hökumətin yaradılmasına yönəlmiş tədbirlər çərçivəsində görülən işlərin yekunları barədə çıxış edəcəklər.
.