Azərbaycan, Bakı / Trend , müxbir S.Babayeva/ Azərbaycanın Mobil operatoru olan "AzərcellTelecom" BM abonentlərini , şəbəkənin təkmilləşdirilməsi ilə əlaqədar olaraq, MesajCELL xidmətinin (GSM şəbəkələrin digər abonentləri ilə qısa mesaj mübadiləsi) istifadəsində müvəqqəti çətinliklərin yaranaması barədə xəbərdarlıq edir.
Şirkətdən verilən məlumata görə , müvəqqəti çətinliklər 7 və 11 sentyabr tarixlərində saat 03:00-dan başlayaraq, səhər və gecə saatlarında baş verə bilər.
Şirkət şəbəkənin keyfiyyətini artırmaq məqsədilə vaxtaşırı analoji tədbirlər görür.
Hazırda "AzərcellTelecom"un abunəçilərinin sayı 2,5 mln. təşkil edir. Şirkət Azərbaycanın ərazisinin 78%-ni və respublika əhalisinin 99%-ni mobil rabitə ilə əhatə edir, 130-dan çox ölkə ilə 300-dən çox rouminq sazişinə malikdir.
"AzərcellTelecom" BM 1996-cı il yanvarın 19-da təsis edilib. Şirkət fəaliyyətə həmin ilin dekabrın 15-də , əhaliyə sonrdan ödəmə xidmətləri təqdim etməklə başlayıb. "AzərcellTelecom" Azərbaycan Rabitə və İnformasiya Texnologiyaları Nazirliyinin (35,7%) və Fintur Holdings BV-in (64,3%) birgə müəssisəsidir.
