Azərbaycan, Bakı, 23 sentyabr /Trend, müxbir A.Axundov/
Azərbaycanda Dünya Bankının dəstəyi ilə həyata keçirilən "Sərt məişət tullantılarının kompleks idarəsi" layihəsini idarə edən qrup layihələşdirmə və tullantılar üzrə informasiya sistemlərinin təmini və tətbiqi üçün məsləhətçi xidmətlərinə dair marağını ifadə edib. Trend-in məlumatına görə, bu barədə cümə günü tender komissiyasının rəsmi mətbuatda nəşr olunmuş məlumatında deyilir.
"İqtisadi İnkişaf Nazirliyi DB tərəfindən bu layihənin həyata keçirilməsi üçün ayrılan vəsaitin bir hissəsini məsləhətçi xidmətlərinin ödənilməsinə ayıracaq", - məlumatda deyilir.
Xidmət 15 ay müddətində təqdim olunacaq.
Məktublar sentyabrın 30-u saat 17:00-dək qəbul olunur.
2009-cu ilin may ayında Azərbaycan hökuməti adından İqtisadi İnkişaf Nazirliyi və DB arasında "Sərt məişət tullantılarının kompleks idarəsi" layihəsinin maliyyələşdirilməsinə dair saziş imzalanıb.
