Azərbaycan, Bakı, 29 dekabr /Trend, müxbir E.İsmayılov /
Azərbaycanda bərk məişət tullantılarının vahid idarəçiliyi layihəsi çərçivəsində tullantıların daşınması üçün yük maşınlarının satın alınması üzrə tender elan edilib. Bu barədə İqtisadi İnkişaf Nazirliyinin şənbə günü rəsmi mətbuatda dərc olunmuş məlumatında deyilir.
Tender Azərbaycan hökumətinin Beynəlxalq Yenidənqurma və İnkişaf Bankı (BYİB, Dünya Bankı qrupuna daxildir) ilə birlikdə reallaşdırılan layihə çərçivəsində həyata keçirilir.
Ölkənin İqtisadi İnkişaf Nazirliyi yanında yaradılan layihələrin idarə olunması qrupunun hesablamalarına görə, tullantıların aşınması üçün 29 yük maşını lazımdır ki, bununla əlaqədar tenderdə iştirak üçün təcrübəli podratçılar dəvət olunur.
Əlavə məlumat almaq üçün maraqlanan şəxslər layihələrin idarə olunması qrupu yanında satınalmalar üzrə ekspert Hüseynqulu İsmayılovla əlaqə saxlaya ([email protected]) bilərlər.
Tenderdə aşağıdakı tələblərə cavab verən şirkətlər iştirak edə bilərlər:
- son üç il ərzində orta maliyyə dövriyyəsi altı milyon dollardan və ya bu ekvivalentdə başqa valyutadan az olmamalıdır;
- son beş il ərzində tullantıların daşınması üzrə 15 yük maşınının tədarükü üzrə ən azı iki müqavilə olmalıdır.
- İddiaçı minimum belə avadanlığın istehsalı və çatdırılması sahəsində beşillik təcrübəyə malik olmalıdır. İştirakçılar həmçinin ən azı iki il ərzində malların çatdırılması bazarında iştirakını təsdiqləyən sənədi təqdim etməlidir. Üstünlük yerli şirkətlərə veriləcək.
Tenderdə iştirakın dəyəri 120 manat və ya 150 dollar təşkil edir.
Maraqlanan şəxslər bütün lazım olan sənədləri ingilis dilində Bakı şəhəri, Xocalı prospekti, 55, AZ1025, ünvanına göndərə bilərlər. Əlaəq telefonları:(+99412) 4644156, faks - (+99412) 4644157.
