Bakı. Trend:
Ağcabədi rayonu Hindarx qəsəbəsində və şəhərin Bayraq meydanında abadlıq işləri görüləcək.
Bu barədə Trend dövlət satınalmalarının vahid internet portalından məlumat əldə edib.
Belə ki, rayonun Hindarx qəsəbəsinin səki və işıqlandırılması yaxşılaşdırılacaq. Eyni zamanda Bayraq meydanında abadlıq işləri həyata keçiriləcək.
Məlumata görə, artıq bununla bağlı Ağcabədi Rayon İcra Hakimiyyəti (RİH) hazırlıqlara başlayıb.
RİH sözügedən işlərin icrasını “Dream Construction Company” Məhdud Məsuliyyətli Cəmiyyətinə həvalə edib və onunla dəyəri 206.010,08 AZN (206 min 10 manat 8 qəpik) olan müqavilə bağlayıb.