Bakı. Trend
Cari ilin yanvar-noyabr ayları ərzində Azərbaycana 283 493 Türkiyə vətəndaşı səfər edib və bu rəqəm ötən ilin eyni dövrü ilə müqayisədə 60% artım hesab olunur.
Trend-in məlumatına görə, bunu bu gün Azərbaycan-Türkiyə Turizm üzrə Birgə Komissiyasının 2-ci iclasında Dövlət Turizm Agentliyinin sədrinin müavini Azadə Hüseynova deyib.
O növbəti dövr üçün birgə Fəaliyyət Proqramının hazırlanmasının, bu proqramda turizm üzrə ixtisaslaşmış assosiasiyalar arasında əməkdaşlıq imkanlarının genişləndirilməsinin nəzərdə tutulması iki ölkə arasında turizm əlaqələrinə öz töhfəsini verəcəyini bildirib.