...

Nüfuzlu prezident Əhmədinejadın nüfuzdan düşməsi İranın siyasətini dəyişə bilər- İsrail eksperti

Dünya xəbərləri Materials 26 Dekabr 2007 16:20 (UTC +04:00)

İsrail, Qüds / Trend , müxbir R.Abdullayev/ İranın görkəmli xadimlərinin tənqidi nəticəsində, bu ölkənin nüfuzlu prezidenti Əhmədinejadın nüfuzdan düşməsi bütövlükdə İranın siyasətini dəyişə bilər.

"Bir neçə gün bundan əvvəl ayətulla Əli-Əkbər Haşimi-Rəfsəncaninin prezident Mahmud Əhmədinejadın ünvanına səsləndirdiyi tənqid ciddi əhəmiyyət daşıyır. Əyətulla Əhmədinejadı birmənalı olaraq, əhalinin dilənçi vəziyyətinə düşməsində və inflyasiyanın yüksək həddə çatmasında günahlandırıb. İlk dəfədir ki, belə yüksək səviyyəli islam funksioneri hökuməti iqtsadi siyasətin uğursuzluğunda ittiham edir" - deyə İsrail eksperti Vladimir Mesamed hesab edir.

İranın Ekspertlər Şurasının rəhbəri, qəbul olunan qərarların məqsədəuyğun olmasının müəyyən edilməsi üzrə Şuranın rəhbəri Rəfsəncani ötən həftə Əhmədinejadın iqtisadi siyasətinin əleyhinə presedentsiz tənqidlə çıxış edib. Bu, prezidentin, ənənəvi olaraq, günahı ölkənin xarici düşmənləri və siyasi rəqibləri üzündən qarşılaşdığı çətinliklərin boynuna qoyması ilə əlaqədar olub. Ekspert hesab edir ki, mart ayında keçiriləcək prezident seçkisi ərəfəsində hazırki prezidentin rəqibi olan Rəfsəncani keçmiş prezident-islahatçı Seyid Məhəmməd Hatəmi ilə qeyri-rəsmi bloka daxil olub.

Mesamed cümə günü Trend ə müsahibəsinə bildirib ki, hakimiyyətə və Əhmədinejadın iqtisadi siyasətinə şifahi hücumlar İranın siyasi həyatının adi bir elementinə çevrilməkdədir. "Prezident Əhmədinejadın rəqibləri onu daha tez-tez ittiham edir, səbəb isə, həyata keçirilən atom proqramı ilə əlaqədar olaraq, dünya ictimaiyyəti ilə qarşıdırmanın davam etməsi və dərinləşməsinin ölkəyə baha başa gəlməsidir" - deyə ekspert hesab edir.

Mesamedin fikrincə, güclü və nüfuzlu islam strukturu kimi tanınan, 86 görkəmli din xadimindən ibarət və əsas məqsədi, lazım gələrsə, ölkənin yeni dini liderinin seçilməsinə nəzarət etmək olan Ekspertlər Şurasının rəhbərliyinə Haşimi-Rəfsəncaninin gəlməsi onun şansını və Əhmədinejada qarşı rəqabətini artırır. "Bu rəqabət siyasi həyata ciddi təsir göstərə bilər. Bu, konservant olmayanlarla rəqabət aparan qüvvələrin, məsələn, Hatəminin ətrafında qruplaşmış daha qatı islamçıların mövqeyini möhkəmlədə bilər.

İranın İSNA agentliyinin bundan öncə verdiyi məlumata görə, İranın 7,8 mln. əhalisi və ya əhalinin 11,1%-i yoxsulluq şəraitində yaşayır. Bu il inflyasiyanın səviyyəsi son illər ərzində ilk dəfə olaraq 20%-i keçib. Analitiklər hesab edir ki, işsizlik artıq İranın əmək qabiliyyətli əhalisinin dörddə birin əhatə edir.

Xəbər lenti

Xəbər lenti