Gürcüstan, Tbilisi, 11 dekabr/ Trend , müxbir N.Kirtsxaliya/ Cümə axşamı səhər ATƏT-in Baş katibi Mark Perin de Brişambo Tbilisiyə işgüzar səfərə gəlib.
Gürcüstanın Xarici İşlər Nazirliyindən verilən məlumata görə, Gürcüstan prezidenti Mixail Saakaşvili, Baş nazir Qriqol Mqaloblişvili, xarici işlər naziri Qriqol Vaşadze, daxili işlər naziri Vano Merabişvili, reinteqrasiya məsələləri üzrə dövlət naziri Temur Yakobaşvili və xalq müdafiəçisi Sozar Subari ilə görüşlərin keçirilməsi planlaşdırılıb.
Mark Perin de Brişambo səfər çərçivəsində Cənubi Osetiya ilə sərhəddə yerləşən Qori rayonuna baş çəkəcək və oradakı vəziyyət ilə tanış olacaq.
ATƏT-in Baş katibinin səfəri dekabrın 13-də başa çatacaq.