Təfərrüatlar əlavə olunub (ilk xəbər saat 11:20-də yaılıb)
Azərbaycan, Bakı, 1 mart / Trend müxbir A.Tağıyeva /
Cümə axşamı səhər Türkiyənin İstanbul şəhərində polis maşını yaxınlığında partlayış baş verib. Trend-in məlumatına görə, bu barədə "TRT Haber" məlumat verib.
İlkin məlumatlara görə, 10 nəfər yaralanıb, onlardan əksəriyyəti polislərdir. Hadisə yerində müstəntiqlər və polis işləyir.
Türkiyə KİV-inin məlumatına görə, məsafədən idarə olunan bomba motosikletdə quraşdırılıbmış.