Azərbaycan, Bakı, 30 iyul /Trend/
Bazar ertəsi Əlcəzairlə sərhədin yaxınlığındakı dağlıq rayonda yaraqlıların ordu patruluna hücumu nəticəsində Tunis ordusunun ən azı 8 hərbi qulluqçusu həlak olub. Trend-in RİA Novosti-yə istinadən verdiyi xəbərə görə, bu barədə Assoşieyted Press agentliyi məlumat verir.
"Bu dağlıq rayonda axtarış əməliyyatı keçirən bütün patrul dəstəsi məhv edilib", - Tunis Prezidenti Administrasiyasının nümayəndəsi Ədnan Manser agentliyə deyib. Agentliyin məlumatına görə, hərbçilər dağlarda yaraqlıların sığınacaq yerlərini axtararkən pusquya düşüblər.
Reyter agentliyinin məlumatına görə, Tunis Prezidenti Monsef Marzuki bazar ertəsi axşam ölkədə həlak olmuş hərbçilərə görə üçgünlük matəm elan edib.
Əlcəzair və Tunis arasında ümumi quru sərhəd 965 kilometr təşkil edir.