Azərbaycan, Bakı, 8 avqust /Trend/
Rusiyanın İrkutsk vilayətində baş verən yol qəzasında 14 nəfər xəsarət alıb. Trend-in məlumatına görə, bu barədə RİA NOVOSTİ regionun qubernatorunun mətbuat xidmətinə istinadən xəbər verib.
İrkutsk vilayətinin Fövqəladə Hallar Nazirliyinin baş idarəsinin məlumatına görə, marşrut taksisi yerli vaxtla 07.15-də aşaraq qəza törədib.
Hadisədə xəsarət alan 14 nəfər xəstəxanaya yerləşdirilib. Onların 11 nəfərinin vəziyyətinin orta ağır, 3 nəfərin isə vəziyyətinin ağır olduğu bildirilir.