Bakı. Trend:
Böyük Britaniya höküməti "Brexit" referendumunnan sonra Avropa İttifaqının vətəndaşlarına vətəndaşlıq verməkdən imtina edir.
Trend-in "RİA Novosti"yə istinadən verdiyi məlumata görə, ictimai əks-səda doğurmuş hadisələrdən biri Britaniyada 24 il yaşayan Britaniyalıyla evli olan və 2 uşağı olan Hollandiya vətəndaşına vətəndaşlıq verilməməsi olub.
Britaniyanın DİN-i qadının vətəndaşlıq almaq haqqında sorğusuna cavab olaraq ölkəni tərk etməyi tövsiyə edib.
Qeyd edək ki, bu ilin iyun ayında Britaniya sakinlərinin 52 faizi ölkənin Aİ-nin tərkibindən çıxmasına səs vermişdi.