Bakı. Trend:
ABŞ-ın Florida ştatında polislərə atəş açan şəxs ölü tapılıb.
Trend-in "TASS"a istinadən verdiyi məlumata görə, yerli hakimiyyət nümayəndələri bildirib ki, atəş açan şəxsin adı Kevin Robert Xolroyd olub. Onun daha əvvəldə axtarışda olduğu bildirilir.
"WMBB-TV" telekanalı öz növbəsində bildirir ki, Robert Xolroydu polislər güllələyib.
Qeyd edək ki, daha əvvəl ABŞ-ın Panama Siti şəhərində (Florida ştatı) atışma baş verib. Atəş açan şəxs Bek-avenyu rayonunda mənzildə gizlənmişdi. Onun atəş açması nəticəsində bir nəfər yaralanmışdı.