Bakı. Trend:
Yunanıstanda yayılmış "Qərbi Nil" qızdırması nəticəsində artıq 27 nəfər dünyasını dəyişib. Trend-in məlumatına görə, bu barədə Xəstəliklərə nəzarət və profilaktikası Milli Mərkəzindən bildiriblər.
Məlumata görə, 183 xəstədə virus nəticəsində mərkəzi əsəb sisteminin pozulması halı müşahidə edilib. Avqustun 23-ə olan məlumata görə, 103 yoluxma halı olub ki, bunun da 11-i ölümlə nəticələnib.
Qeyd edək ki, ilk dəfə bu virus Yunanıstanda 2010-cu ildə tapılıb. 2010-2014-cü illərdə "Qərbi Nil" qızdırmasından Yunanıstanda 80 nəfər ölüb.
Qızdırma ağcaqanadlarla yayılır.