Bakı. Trend:
Dubay şəhərinin hava limanında Böyük Britaniyada qeydə alınmış təkmühərrikli təyyarə qəzaya uğrayıb.
Trend-in "Sinhua" agentliyinə istinadən verdiyi məlumata görə, qəza nəticəsində təyyarədə olan 4 nəfər həlak olub.
Onlardan 3-nün britaniyalı, birinin isə Cənubi Afrikadan olduğu bildirilir.
İlkin məlumata əsasən, qəzaya səbəb texniki nasazlıq olub. Qəza ilə bağlı araşdırma başlanılıb.