Bakı. Rufiz Hafizoğlu - Trend:
“Türk Hava Yolları” aviaşirkətinə məxsus təyyarə İstanbul hava limanında qəza törədib.
Trend-in məlumatına görə, Ankaraya uçuş keçirməli olan təyyarə yerdə olarkən qanadı ilə elektrik dirəyinə çırpılıb.
Hadisə nəticəsində xəsarət alan olmayıb. Qəzadan sonra həmin reys təxirə salınıb.
Qeyd edək ki, təyyarədə 247 sərnişin olub və qəzadan bir müddət sonra sərnişinlər digər təyyarə ilə Ankaraya yola salınıb.