Bakı. Elnur Bağışov - Trend:
İranın şimal-qərbində Türkiyə ilə sərhəddə yerləşən Qərbi Azərbaycan vilayətinin Xoy rayonunun Qotur məntəqəsində zəlzələ nəticəsində 75 nəfər yaralanıb və yaralıların qəbulu davam edir.
Trend-in məlumatına görə, bunu İranın Xoy Təcili Yardım İdarəsinin direktoru Muctaba Qomri Əsl deyib.
İdarə rəsmisi yaralıların qəbulunun davam etdiyini deyib.
Qomri Əsl əlavə edib ki, yaralıların əksəriyyəti evə buraxılıb. 6 nəfər xəstəxanalarda müalicə alır.
Qeyd edək ki, bu gün səhər İranın Türkiyə ilə sərhədi yaxınlığında Qərbi Azərbaycan vilayətinin Xoy rayonunun Qotur məntəqəsində yerli vaxtla saat 09:22-də 5,7 bal gücündə zəlzələ baş verib.