Bakı. Trend:
Facebook və Instagram sosial şəbəkələrinin, həmçinin WhatsApp messencerinin işində problemlər bir sıra ölkələrdə müşahidə olunur.
Trend-in məlumatına görə, bu barədə populyar İnternet resurslarının işini izləyən Downdetector xidmətinin saytında məlumat verilib.
Nasazlıqlar ABŞ-ın şərq sahillərinin vaxtı ilə saat 14:48-də müşahidə olunmağa başlayıb. Ən çox şikayətlər ABŞ (xüsusən Florida ştatında), eləcə də Mərkəzi Amerikada yaşayan istifadəçilərdən gəlir.
Avropalı istifadəçiləri də bəzi nasazlıqlar barədə bildirirlər.