Bakı. Orxan Nəbiyev - Trend:
Gürcüstanda hakim "Gürcüs arzusu - Demokratik Gürcüstan partiyası" baş nazir vəzifəsinə hazırkı müdafiə naziri İrakli Qaribaşvilinin namizədliyini irəli sürüb.
Trend-in məlumatına görə, bunu partiyanın sədri İrakli Kobaxidze deyib.
O bildirib ki, yeni baş nazirin təyinatı ilə bağlı səsvermənin sabah keçirilməsi planlaşdırılır.
Qeyd edək ki, İ.Qaribaşvili 2013-2015-ci illərdə Gürcüstanın baş naziri olub.
Bu gün səhər saatlarında Georgi Qaxariya vəzifəsindən istefa vermişdi.