Bakı. Trend:
Türkmənistanın paytaxtı Aşqabadda ölkənin yeni seçilmiş prezidenti Sərdar Berdiməhəmmədovun andiçmə mərasimi baş tutub.
Trend-in məlumatına görə, yeni prezident bu gündən etibarən vəzifə səlahiyyətlərinin icrasına başlayıb.
Qeyd edək ki, S.Berdiməhəmmədov martın 12-də keçirilmiş növbədənkənar prezident seçkilərində 72,97 faiz səs toplayaraq qalib gəlmişdi.
Sabiq prezident Qurbanqulu Berdiməhəmmədov fevralın 12-də istefa verdiyini açıqlamışdı.