Bakı. Trend:
Adını açıqlamaq istəməyən şəxs məşhur fransız müğənni Conni Hollideyə məxsus (1943-2017) "Lauranın Gözləri" motosikletini 470,8 min avroya alıb.
Trend-in məlumatına görə, bu barədə "France Info" qəzeti xəbər yayıb.
Məlumata əsasən, "Harley-Davidson" motosikleti Parisin retroavtomobillər salonunda 470 840 avroya satılıb. İlkin olaraq hərracın təşkilatçıları lotu maksimum 250 000 avro dəyərində qiymətləndiriblər.
"Bu, müharibədən sonra yığılan motosiklet üçün rekord dərəcədə yüksək qiymətdir", - deyə qeyd edilir.