Bakı. Trend:
Şri-Lanka prezidenti Qotabaya Racapaksa iyulun 13-də istefa verəcəyi barədə ərizə imzalayıb.
Trend-in məlumatına görə, bu barədə Şri-Lanka mətbuatı bildirir.
Qeyd olunur ki, prezident tərəfindən imzalanan istefa ərizəsi parlamentin spikerinə təqdim olunub. Spikerin Q.Racapaksanın istefasını sabah elan edəcəyi gözlənilir.
Xatırladaq ki, ötən həftə sonunda Şri-Lankadakı iqtisadi böhranla etiraz edən sakinlər ölkə prezidentinin iqamətgahını ələ keçirmiş, eləcə də baş nazirin evini yandırmışdılar.
İğtişaşlar nəticəsində onlarla şəxs yaralanıb, çoxlu sayda etirazçı saxlanılıb.