Bakı. Trend:
2022-ci ilin iyun ayında Türkiyə limanları 122 kruiz gəmisi qəbul edib.
Bu barədə TurkicWorld-ə Türkiyənin Nəqliyyat və İnfrastruktur Nazirliyindən məlumat verilib.
Nazirlikdən verilən məlumata görə, 2022-ci ilin iyun ayında Türkiyə limanlarına daxil olan kruiz gəmilərində 90 min 960 sərnişin daşınıb.
“İyun ayında Türkiyəyə kruiz gəmiləri ilə 2 min 954 sərnişin gəlib. Bu gəmilərlə Türkiyəni 5 min 75 sərnişin tərk edib. İyun ayında Türkiyədə dəniz nəqliyyatı ilə tranzit sərnişin daşımaları 82 min 931 nəfər təşkil edib”, - deyə nazirlikdən bildirilib.
2022-ci ilin yanvar-iyun aylarında Türkiyə limanları 317 kruiz gəmisi qəbul edib. Bu gəmilərin göyərtəsində ümumilikdə 205 min 642 sərnişin daşınıb.
"2022-ci ilin yanvar-iyun aylarında Türkiyəyə kruiz gəmiləri ilə 7 min 454 sərnişin gəlib, 11 min 580 nəfər isə yola düşüb.", - deyə nazirlikdən bildirilib.
Məlumatda qeyd edilib ki, göstərilən dövrdə Türkiyə ərazisində dəniz nəqliyyatı ilə tranzit sərnişin daşımaları 186 min 608 nəfər təşkil edib