Bakı. Trend:
Filippində iyulun 27-də baş verən zəlzələ nəticəsində 79,2 mindən çox insan zərər çəkib.
Trend-in məlumatına görə, bu barədə Risklərin qarşısının alınması və təbii fəlakətlərin aradan qaldırılması üzrə Milli Şuranın hesabatında deyilir.
Bildirilib ki, hadisə nəticəsində 6 nəfər həlak olub.
Məlumata əsasən, 7,3 min məcburi köçkün 26 təxliyyə məntəqəsindədir, 1,2 min nəfər əvvəlcədən təxliyə edilib. Təbii fəlakətdən 136 nəfər zərər çəkib, 4 nəfər itkin düşüb.
Zəlzələ 1,58 min evə ziyan vurub, 48-i tamamilə dağılıb. 99 infrastruktur obyektinə dəyən ziyan 48,3 milyon peso (870,4 min dollar) dəyərində qiymətləndirilir.