Bakı. Trend:
Türkiyənin Milli Təhlükəsizlik Təşkilatı (MİT) Suriya ərazisində PKK/YPG terror qruplaşmasına qarşı daha bir uğurlu antiterror əməliyyatı keçirib.
Trend xəbər verir ki, Suriyanın şimalında yerləşən Hasekə bölgəsində həyata keçirilən antiterror əməliyyatı nəticəsində Mıhyəddin Gulo adlı terrorçu zərərsizləşdirilib. Bildirilir ki, Mıhyəddin Gulo Türkiyənin təhlükəsizlik qüvvələrinə, eləcə də “Sülh çeşməsi” və “Zeytun budağı” antiterror əməliyyatları keçirilən rayonlardakı ordu qüvvələrinə qarşı terrorçu fəaliyyətləri göstərib.
O, PKK/YPG qruplaşmalarının sıralarına terrorçu cəlb etmək, onlara təlim keçmək kimi cinayətlərdə də iştirak edib.