Bakı. Trend:
Türkiyədə, Çanaqqala boğazında yük gəmisi saya oturub.
Trend-in məlumatına görə, 93 metr uzunluğunda, 2,9 min ton ağırlığında olan gəmi Mərmərə dənizindən Dardanel boğazına daxil olduqdan sonra Gelibolu bölgəsi sahillərində saya oturub.
Qeyd olunur ki, Sent-Vinsent və Qrenadin bayrağı altında üzən "Yalıköy" gəmisi Ukraynadan Yunanıstana hərəkət edirdi.
Hazırda gəminin hərəkətinin bərpa olunması üçün işlər aparılır.