Bakı. Trend:
Yaponiya hökuməti Koreya Xalq Demokrtaik Respublikasının (KXDR) nüvə-raket proqramı ilə əlaqəli 5 təşkilata qarşı sanksiyalar, o cümlədən aktivlərin aşkar ediləcəyi təqdirdə dondurulması tədbirini tətbiq edib.
Trend xəbər verir ki, bunu bazar ertəsi mətbuat-konfransı zamanı Yaponiyanın Nazirlər Kabinetinin baş katibi Hirokadzu Matsuno deyib.
Onun sözlərinə görə, sanksiyalar KXDR-nin "təkrar təxribat xarakterli hərəkətləri” səbəbindən qəbul edilib. Baş katib qeyd edib ki, belə bir siyasətin yürüdülməsi qəbuledilməzdir.
"Onlar Yaponiyanın və dünya birliyinin sülh və sabitliyinə təhlükə yaradırlar", - deyə baş katib bildirib.