Bakı. Trend:
Çinin bir sıra şəhərlərində əhalinin koronavirusla əlaqəli məhdudiyyətlərindən narazılığı ilə bağlı etirazlar keçirilib.
Trend-in məlumatına görə, bu barədə "South China Morning Post" qəzeti xəbər verib.
Məlumata əsasən, kütləvi nümayişlərin səbəblərindən biri Çinin Sincan-Uyğur Muxtar Rayonunun Urumçi şəhərində yaşayış binasında cümə axşamı axşam saatlarında baş verən yanğın olub. Bu binanın sakinləri COVID-19 epidemiyası ilə əlaqədar karantinə alınıb. Yanğın nəticəsində 10 nəfər ölüb, 9 nəfər yaralanıb.