Bakı. Trend:
İranda 20 fevraldan bu günədək Novruz şənliklərində baş verən hadisələrdə 27 nəfər ölüb, 4 095 nəfər xəsarət alıb.
Trend-in məlumatına görə, bunu İranın Təcili Yardım Təşkilatının sədri Cəfər Miadfər deyib.
C.Miadfərin sözlərinə görə, xəsarət alanlardan 287-i xəstəxanalara yerləşdirilib, 25 nəfər reanimasiya şöbələrindədir.
222 nəfərin bədən üzvü amputasiya edilib, 1 357 nəfər gözündən xəsarət alıb, 867 nəfər yanıq diaqnozu ilə xəstəxanaya yerləşdirilib.
Ən çox xəsarət alanlar – Tehran vilayətində 886 nəfər, Şərqi Azərbaycan vilayətində 482 nəfər, Qərbi Azərbaycan vilayətində 402 nəfərdir.
Qeyd edək ki, İranda Novruz şənlikləri, xüsusilə çərşənbələrdə təhlükəli pirotexniki və partlayıcı vasitələrdən istifadə olunur.
